Усе мае артыкулы, допісы і кнігі я пішу ў самую першую чаргу для самога сябе. І пішу для таго, каб разабрацца у тым ці іншым пытанні. Не з-за таго, што такі геніяльны і хачу кагосьці навучыць, а таму што не разумею і хачу зразумець. Я пішу не для прапаганды чагосьці, агітацыі да нечага, даказвання чагосьці ці для змены чыйсціх перакананняў. А для таго каб самому знайсці адказы на ўзнікшыя пытанні, рашэнні паўстаўшых задачаў, прычыны ўзнікшых праблемаў, з’яваў і так далей.
Я пішу для таго, каб навесці парадак у сваёй галаве, структураваць свае ўласныя веды і выпрацаваць сваё асабістае разуменне таго ці іншага тэмата і, такім чынам удаскалаліць сваё светаразуменне. Мае тэксты не для адукацыі кагосьці, а для даследаванняў, самадаследаванняў і самаадукацыі самаго сябе. Чалавечая памяць мае свае абмежаванні. Часам цяжка ўтрымаць у галаве ўсе акалічнасці нейкай з’явы і ці шчыгулы нейкай рэчы. Асабліва, калі гэта складаныя пытанні. А запісанныя веды заўсёды можна пераглядзець, перачытаць, пераправерыць, пераасэнсаваць і так далей. І не толькі самаму, але і блізкім, і сябрам.
Таму ўсе мае тэксты, працы, творы – заўсёды адкрытыя да заўвагаў, крытыкі, праверак, выпраўленняў, рэдактавання, дапаўненняў у адпаведнасці з новымі звесткамі, якія могуць з часам з’яўляцца. Я вельмі гібка адношуся да сваіх поглядаў, меркаванняў, перакананняў, ментальных канструкцыяў і іншых разумовых пабудоваў. Стараюся заўсёды іх прыбліжаць да рэчаіснасці, каб мая мапа светаразумення ў найбольшай ступені адпавядала рэальнаму становішчу рэчаў. Каб мапа адлюстровывала Свет. І калі я бачу, што ў Свеце нешта не так, як гэта я сабе намаляваў у разуменні, то трэба трэба хутчэй спраўляць сваю разумовую мапу. Таму што, чым яна больш дакладная і дасканалая – тым лепшай з’яўляецца прыладай для навігацыі і падарожжа па гэтым дзіўным Свеце.
Я не гуру, настаўнік ці нейкі знаток, а даследчык, шукач ці вечны нязнайка, які ўвесь час шукае адказы, на розныя, часам дзіўныя пытанні.
Таму прашу чытачоў не моцна верыць ні аднаму майму слову, а лепш самастойна правяраць кожную маю літару. Так мы можам разам удасканальваць нашае Светаразуменне.