Мысля́рня (польск.: Myślárnia, расейск.: Мысли́льня, грэцк.: Φροντιστήριον) - гэта нашая майстэрня думкі, лабараторыя ідэй, штудыя асэнсавання.

«Мысля́рня» - гэта наш адпаведнік старажытна-грэцкаму паняццю «φροντιστήριον» («a thinking place» ці «месца мыслення»). Менавіта так называлася школа Сакрата, якая знаходзілася непасрэдна ў доме філосафа. Пазней пад гэтым грэцкім словам пачалі разумець і «месца, для вучэння». Таму так нават была названа навучальная установа, якая больш двух стагоддзяў была буйным асяродкам грэчаскай адукацыі і культуры ў Асманскай імперыі (Φροντιστήριο Τραπεζούντος, 1682-1921).

Зараз жа менавіта, як «Мысля́рня» перакладаецца на нашую старажытнюю мову тое паняцце, якое па-ангельску называецца:

• «Brain Trust» («Мазгавы трэст»).
• «Think Tanks» («Фабрыка думкі»).
• Analytics Center (Асяродак разбору).

Гэта экспертныя групы, аналітычныя цэнтры, дарадчыя кампаніі, якія з дапамогай адмысловых метадаў мыслення аналізуюць сітуацыю і распрацоўваюць стратэгіі для цэлых краін і нават іх звязаў. Раней такімі інструментамі мыслення валодалі толькі закрытыя НДІ (навукова-даследчыя інстытуты), працуючыя на ваенную і касмічную сферы, аддзелы даследваванняў і распрацовак ТНК (транс-нацыянальных карпарацыяў), аналітыкі тайных і спецслужбаў. Цяпер гэтыя інструменты для развіцця мыслення і метады эфектыўнага думання ёсць і ў нас і мы можам іх разам вывучаць ды асвойваць на практыцы.

Эфектыўнае мысленне становіцца не толькі галоўным чыннікам развіцця, але і сапраўднай маймацнейшай зброяй. Пра гэта даўно ведалі філосафы мінулага. Напрыклад, санскрыцкае слова «Ша́стра» (शस्त्र, śāstra) адначасова перакладаецца, і як «трактат, святыя пісанні», і як «меч, зброя». Мудрацы старажытнасці разумелі, што найлепшым мячом з'яўляецца «меч ісціны»! Як кажа «Мандукья-Упанішада» (3.1.6): «Толькі ісціна перамагае» (सत्यमेव जयते – Satyam Eva Jayate), ці як гаворыцца ў Благавесце ад Яна (8:32): «...і спасцігнеце ісціну, і ісціна вызваліць вас»!..

Таму запрашаем у нашую «Мыслярню», каб разам разіраць (аналізаваць), разважаць, меркаваць і абмяркоўваць, абдумаваць і прадумаваць крокі, шукаць адказы на складанныя пытанні. Як кажуць «Адна галава добра, а две ці тры яшчэ лепш»... А калі гэтых галоў будзе 5, 7, .., №?.. І яны будуць узброены перадавымі метадамі развіцця мыслення?

У залежнасці ад мэтаў і тэмату нашых чарговых адчыненых (публічных) «Мыслярняў» іх вольны клубны фармат (а дакладней «апантаны пазафармат») часта набывае таксама рысы розных кшталтаў арганізацыі калектыўнай разумовай дзейнасці ці нават іх камбінацый:

• Творчыя, эўрыстычныя і інсайт-сустрэчы.
• Выклады і даклады аб даследаваннях.
• Круглыя сталы, фокус-групы.
• Мазгавыя штурмы, групы прарыву.
• Практычныя квесты, пашуковыя гульні.
• Арганізацыйна-дзейнасныя гульні.
• Стратэгічныя і аперацыйныя гульні.
• Трансфармацыйныя Ага!-гульні.
• Трансцэндэнтныя мета-гульні.
• «Гульні пазнання рэчаіснасці».
• «Шахматы мудрых», «карты ілюмінатаў».
• Моманты ісціны, гадзіны здаровага сэнсу.
• Кайдзен-гурткі ці гурткі якасці.
• Гурткі ўстойлівага развіцця (ГУР).
• Канферэнцыі ідэй, карабельныя рады.
• Рады Геніальных Дырэктароў (РГД).
• Сходы летуценнікаў, рады мараў, думы мрояў.
• Форсайт-штудыі, майстэрні будучыні.
• ®Азараніцы перакрыжаванага апылення ідэй.
• Дыскусійныя і дыскурсійныя клубы.
• Філасоўскія і канцэптуальныя клубы.
• Чытальні, літаратурныя клубы.
• «Светапанарамы», «паліт-інфармацыі».
• Клубы вясёлых і знаходлівых («КВЗ»).
• Інкубатары і «павівальні» рашэнняў.
• «Капальні» глыбінных сэнсаў.
• Натхняльні, разумовыя сілоўні.
• Шведскія гурткі, дзядзінцы мудрых.
• Калектыўныя (пера)асэнсоўванні.
• Гутаркі, «сялаванні», сатсангі, рэтрыты.
• Разбуральні шаблонаў і стэрыатыпаў.
• «Раз'іллюжвацелі» і «вытразвіцелі».

Кожную першую сераду кожнага месяца праходзіць вольная адчыненая (публічная) «Мыслярня» (колькасць удзельнікаў абмежаваная - таму ўваход па папярэдняй рэгістрацыі).

---

Каб даведацца пра тэматы і даты нашых бліжэйшых наступных спатканняў і атрымліваць інфармацыю сачыце за нашымі старонкамі ў сацыяльных сетках, далучайтеся, да нашых навінных каналаў у Telegram і Viber, а лепш падпісвайцеся на нас на «Светаразуменне» на BuyMeaCoffee.

Дасылайце, калі ласка, нам таксама свае пажаданні і прапановы аб пытаннях, якія вас найбольш цікавяць, і тэматах для правядзення нашых наступных сустрэч!

Дадатковую інфармацыю можна атрымаць, скарыстаўшыся кантактамі, якія можна даведацца ТУТ!