Наша «ⒶСвятліца» - гэта сэнсавае спалучэнне паняццяў «Святліца» (польск.: Świetlica, расейск.: Светли́ца - светлая прастора для вольных заняткаў і гутарак вольных людзей), «Святло» (яснасць, бачнасць, разуменне, азарэнне, адкрыццё, веды, ісціна), «Свет» (светлыя, светныя, дасведчаныя, знаўцы, асы, кметы, князі [таксама ад слова «Святло»]) і «Асвета» (кшталтаванне таго ж самага свету ці цвету [кветак грамадства]). Таму «ⒶСвятліца» ці «Ш*Кола» (Шляхецкае Кола) - гэта нашая квятніца грамадства і кузніца новай знаці-эліты, шляхты-арыстакратыі, лідэраў-правадыроў, актывістаў-пасіянарыяў, натхняльнікаў-актуалізатараў, адражэнцаў згубленых сэнсаў і адкрыўцаў новых ведаў - «светлячкоў», якія паказваюць шлях!

Па іерархіі ведаў і ўзроўню ўплыву іх на развіццё грамадства выдзяляюць некалькі відаў школаў:

• 0 узровень агульна-выхаваўчы: пачатковая, падставовая, сярэдняй адукацыя (гэта выкшталцэнне граматных абывацеляў, якія ўмеюць прачытаць цэтлік, распісацца ці падлічыць зарплату).
• 1 узровень тэхналагічны ці вытворчы: прафесійна-тэхнічная адукацыя, політэхі, раб.факі (гэта выкшталцэнне выканаўцаў і вытворцаў матэрыяльных каштоўнасцей).
• 2 узровень гаспадарчы ці тактычны: эканамічныя, фінансавыя, гандлёвыя, бізнес-школы, нар.гаспы, MBA (гэта выкшталцэнне стваральнікаў і памнажальнікаў багаццяў).
• 3 узровень палітычны ці стратэгічны: школы дзярж.кіравання, ваенна-палітычныя, камандна-штабныя, вышэйшыя партыйныя школы (гэта выкшталцэнне стратэгаў, сілавікоў, ўладнікаў, дзяржаўнікаў, праваахоўнікаў, загадчыкаў, надзіральнікаў за існуючым парадкам).
• 4 узровень філасоўскі ці канцэптуальны: філасоўскія, рэлігіёзныя, тэалагічныя, псіхалагічныя школы, факультэты ідэалогіі, школы права, аналітыкі (гэта выкшталцэнне ідэёлагаў, тэолагаў, дактрынолагаў, заканадаўцаў, святароў, псіхолагаў, метадолагаў, лідэраў поглядаў, якія фарматуюць мазгі і вядуць людзей у зададзеным рэчышчы).
• 5 узровень метафізічны ці трансцэндэнтны: школы вольнай думкі, незалежнага даследавання і пазнання рэчаіснасці, містэрыі Пазачасовай Мудрасці, школы расшырэння свядомасці, злому стэрэатыпаў, разбурэння састарэўшых дагматаў, перегляду зместу і адраджэння сэнсу паняццяў, змены парадыгмаў, выхаду за межы існуючых пераканання, адкрыцця новых укладаў мыслення, усведамлення, асэнсавання і разумення Сусвету. Гэта школы вольных мысляроў, іншадумцаў, ерэтыкоў, шукачоў ісціны, адкрыўцаў, інсайтэраў, эўрыстаў, хакераў свядомасці.

Нашая «Святліца» ці «ⒶСвятліца» адносіцца да астатніх, да тых, якія не фарматуе мазгі, а шукае новыя метады і магчымасці для разумення таго, што адбываецца ў нас і вакол нас і распрацоўвае новыя ўклады «Светаразумення»!

Месцы ж, дзе здабываліся філасоўскія веды і канцэптуальныя ідэі, дзе адкрываліся новыя сэнсы і паняцці, якія рухалі развіццё цэлых цывілізацый ў розныя часы і ў розных краях свету называліся па-рознаму:

• «Штудыі Піфагора» або «Піфагарэйскія Сонечныя Штудыі», якія пераўтварылі культуру ўсёй Элады, калі на заходзе і ўзыходзе Сонца вучні садзіліся паўкругам і разважалі аб усім пражытым і засвоеным за папярэдні дзень.
• «Лікей» або «ліцэй» - месца ў старажытных Афінах, дзе Арыстоцель, шпацыруючы вёў гутаркі са сваімі вучнямі.
• «Акадэмія» - гэта назва саду, свяшчэннага аліўкавага гаю каля Афін, мясцовасці ў якой збіраліся для філасофскіх гутарак вучні Платона.
• «Філасофская Калегія» або брытанскі «Нябачны каледж» - нефармальная супольнасць даследчыкаў, якія ўзгоднена працуюць над агульнай праблематыкай.
• «Медрэсэ» ў перакладзе з арабскай мовы «месца, дзе вывучаюць» ці «месца вучэння».
• «Додзё» - у перакладзе з японскай мовы «месца, дзе шукаюць шлях», «месца прасвятлення».
• «Школа» альбо «Скуола» (ад грэч. «schole» і лац. «schola») у Венецыі з'яўлялася супольнасцю грамадзян, аб'яднаных высакароднымі гуманістычнымі мэтамі.

Але зыходным значэннем грэцкага слова «Школа» было «адпачынак», «вольны час», «вольнае баўленне часу», пазней «нязмушаная гутарка», а затым ужо «месца для гутаркі», яшчэ пазней стала ўжывацца як «заняткі ў вольны час», «заняткі ў вольныя гадзіны» (напрыклад, Платонам, які збіраў людзей у вольны час і перадаваў ім свае досвед і веды), затым — «навучальныя заняткі», «гутарка філосафаў» (напрыклад, у Плутарха).

А ў нашай мове, запазычанаму замежнаму слову «Школа» ў дадзеным значэнні найбольш адпавядае нашае роднае паняцце «Святліца» (польск.: Świetlica, расейск.: Светли́ца) - чыстая і светлая прастора для адпачынку, для баўлення вольнага часу, для заняткаў у вольны час, для развіцця інтарэсаў, а таксама для сустрэчы мясцовых суполак.

Заўважце, калі ласка, што для асветы і асветніцкай дзейнасці «Святліца» і па значальнай сутнасці («заняткі ў вольны час»), і па знешняму шкталту («светлае памяшканне»), і па вышэйшаму сэнсу («філасоўскія гутаркі»), і па глыбіннаму сымбалізму (Святло, Свет, Светныя, Знаць, Шляхта) пасуе значна лепш. Тым больш, што менавіта ў Святліцах нашых продкаў часта і праходзіла навучанне грамаце.

І нашая «Святліца» (ці «ⒶСвятліца») - гэта прастора для Асветы Знаці (па-замежнаму: «Адукацыі Эліты») і кшталцэння шляхты (па-замежнаму: «форміравання арыстакратыі»). «ⒶСвятліца» - гэта «Ш*Кола» ці «Шляхецкае Кола»!

Таму мы тут ў вольнай, нязмушанай, простай, даступнай для кожнага, адпачынкавай і, нават, гульнёвай форме разам засвойваем такія складаныя прадметы, патрэбныя для выкшталцэння «Свету грамадства» ці «Шляхецкага Кола» (Ш*Кола):

✸ ПАДСТАВЫ ПАЧАТКОВАЙ ГРАМАЦІ

• «Чытання» (хуткачытанне і квантавая адукацыя).
• «Пісання» (вялікіх і грунтоўных тэкстаў і кнігаў).
• «Лічэння» (разважання, меркавання, пралічвання крокаў).
• «Рашэння» (складаных жыцця-важных і грамацкіх задачаў).
• «Разумення» (перша-прычын праблем і прызначэнняў з'яваў).

✸ ПАДСТАВЫ ШЛЯХЕЦКАЙ ГРАМАЦІ

• Вызначэнне жыццёвага прызначэння і прызвання.
• Майстэрства сапраўднага лідэрства і правадырства.
• Пошук геніяльных ідэй і прыняцце мудрых рашэнняў.
• Мастацтва здабыцця натхнення і энтузіазму.
• Уводіны ў навукі аб асабістым самаразвіцці.

✸ ПАДСТАВЫ КШТАЛТАВАННЯ ШЛЯХТЫ

• Уводіны ў акмеалогію («навука аб вышэйшых ступенях індывідуальнага развіцця і асабістых дасягненнях»).
• Уводіны ў эліталогію («навука аб элітах»).
• Уводіны ў арыстаномію («выхаванне арыстакратыі»).
• Уводіны ў эталогію («навука характару»).
• Уводіны ў А́ртха-ша́стру («Навука палітыкі ці карысці і [усеагульнага] дабрабыту»).
• Уводіны ў Да́о Дэ Дзын («Вучэнне аб Шляху, цнотах [дабрадзейнасцях] і ласцы [міласці]»).
• Уводіны ў іншыя класічныя і сучасныя навукі, усходнія і заходнія вучэнні аб кіраванні сабой і светам.

✸ ПАДСТАВЫ ШЛЯХЕЦКАГА РАЗВІЦЦЯ

• Падставы усвядомленасці (MindFulness) і асэнсававасці.
• Уводіны ў падставы сапраўднай значальнай класічнай ёгі.
• Падставы джняна-ёгі (ёгі розуму), віджняна-ёгі (ёгі пазнання), будхі-ёгі (ёгі мудрасці), шакта-ёгі (ёгі правільнай канцэптуалізацыі), сацья-ёгі (ёгі ісціны), раджа-ёгі (каралеўскай ёгі), супраментальнай ёгі (ёгі звыш-розуму).
• Уводіны ў трансцентдентальную медытацыю.
• Падставы брэйнбілдынгу, майндфітнэсу, нейробікі, «ёгі для мазгоў».

✸ ПАДСТАВЫ РАЗВІЦЦЯ РОЗУМУ (ІНТЭТЕКТУ)

• Развіццё фізічнага (PhQ) і цялеснага (BQ) інтэлекту.
• Развіццё вітальнага (VQ) і сілавога (PowQ) інтэлекту.
• Развіццё эмацыйнага (EQ) і размоўнага (ConvQ) інтэлекту.
• Развіццё творчага (CrQ) і мастацкага (АrtIQ) інтэлекту.
• Развіццё рацыянальнага (RQ) і лагічнага (IQ) інтэлекту.
• Развіццё аналітычнага (AnQ) і кагнетыўнага (CognIQ) інтэлекту.
• Развіццё тэарытычнага (ThQ) і філасоўскага (PhilQ) інтэлекту.
• Развіццё рэлігійнага (RegI) і экзістанцыянальнага (EI) інтэлекту.
• Развіццё сардэчнага (LQ) і духоўнага (SQ) інтэлекту.
• Развіццё мудрасці (WQ) і інтэлекту душы (SoulQ).
• Развіццё інтуітыўнага (IntQ) і натхнёнага (IntQ) інтэлекту.
• Развіццё маральнага (MI) і этычнага (EthiQ) інтэлекту.
• Развіццё культурнага (CQ) і адаптыўнага (AQ) інтэлекту.
• Развіццё сацыяльнага (SocQ) і палітычнага (PolQ) інтэлекту.
• Развіццё валявога (KQ) і шляхетнага (NQ) інтэлекту.
• Развіццё трансцэнтдэнтальнага (TQ), мета- і супра-інтэлекту.

✸ ПАДСТАВЫ ШЛЯХЕЦКАГА МЫСЛЕННЯ

• Падставы пазнавальнага (даследчага) мыслення.
• Падставы нестандартнага і творчага мыслення.
• Падставы справа-стваральнага ці бізнэс-мыслення.
• Падставы цэласнага маштабнага мыслення.
• Падставы пераможнага правадырскага мыслення.
• Падставы першапраходніцкага мыслення.
• Падставы экстранеардынарнага мыслення.
• Падставы грунтоўнага (фундаментальнага) мыслення.
• Падставы метафізічнага і звыш-мыслення.

✸ ПАДСТАВЫ СВЕТАРАЗУМЕННЯ

• СветаВе́да (агульныя карціны свету і цэльныя мапы рэчаіснасці).
• СветаЗна́ва (ўклады пазнання рэчаіснасці і разлічэння ісціны).
• СветаДу́ма (метады трапнага і дасціпнага думання і мыслення).
• СветаНа́зва (асэнсаванне значэнняў і адраджэнне сэнсу паняццяў).
• СветаМо́ва (ўклады трапнага і дакладнага перадачы ведаў).
• СветаНо́ва ці СветаВе́сці (разлічэнне праўды і выкрыццё хлусу).
• СветаДзе́я (прыняцце мудрых і гарманічных практычных рашэнняў).
• СветаЛа́да (аздараўлення сябе і асяроддзя праз суладдзе).
• СветаСе́я (здабыццё азарэння, натхнення, адухаўлення).
• СветаВі́да (бачанне сутнасці, перша-прычынаў, прызначэнняў).
• СветаВі́та (узнёслыя, глыбокія і сардэчныя адносіны з Сусветам).
• СветаЛю́д ці СветаНо́ша (шляхі шляхетства, правадырырства, важацтва).

---

Каб даведацца пра тэматы і даты нашых бліжэйшых наступных спатканняў і атрымліваць інфармацыю сачыце за нашымі старонкамі ў сацыяльных сетках, далучайтеся, да нашых навінных каналаў у Telegram і Viber, а лепш падпісвайцеся на «Светаразуменне» на BuyMeaCoffee.

Дасылайце, калі ласка, нам таксама свае пажаданні і прапановы аб пытаннях, якія вас найбольш цікавяць, і тэматах для правядзення нашых наступных сустрэч!

Дадатковую інфармацыю можна атрымаць, скарыстаўшыся кантактамі, якія можна даведацца ТУТ!