ПРА СЫМБОЛІКУ LIT✸АКАДЭМІІ
LIT✸AKADEMIA мае сваім сымбалам пяцізорную фрактальную актаграму ці васьмярыцу (васьмі-прамянёвую зорку).
Глыбокі сэнс знаку LIT✸Акадэміі складаецца з:
- Сымбалізму актаграмы ці васьмі-прамянёвай зоркі.
- Сымбалізму фрактальнасці, самападобнасці і шматмернасці.
- Сымбалізму васьмёркі ці васьмярычнасці.
- Сымбалізму пентаграмы, пяцёркі ці пяцярычнасці.
- Сымбалізму кветкі, росквіту і квітнення.
- Сымбалізму крыжа (сонечнага, кельскага, балцкага, хрысціянскага).
- Сымбалізму Святавіта (Świętowita / Zvantevith).
- Сымбалізму Святла (Сва́йкста / Swaikstan).
Сымбалізм актаграмы ці васьмі-прамянёвай зоркі
«Актаграма ці васьмі-прамянёвая зорка настолькі часта сустракаецца ў сакральных традыцыях усіх старажытных народаў, што навукоўцы называюць яе універсальным архетыпічным сымбалам інтэркультурнай камунікацыі. Яе можна сустрэць у зусім непадобных у культурным плане народаў на ўсіх частках Зямлі: у Еўропе, Малой і Сярэдняй Азіі, Бліжнім і Далёкім Усходзе, Індастане і Інда-Кітаі, Паўночнай і Паўднёвай Амерыцы, Афрыцы, Аўстраліі і нават Акіяніі.
- Актаграма з'яўляецца сымбалам Венеры-Мілавіцы ці Воўчай Зоркі (якая ў нашых продкаў мае яшчэ больш чым 15 назваў). Гэта таксама сымбаль Маці Свету, Маці Багоў і многіх іншых жаночых іпастасяў і аспектаў адзінага Баства ў самых старажытных народаў.
- Васьмі-канцовую зорку ў хрысціянстве называюць Зоркай Багародзіцы, Каляднай зоркай, Віфлеемскай зоркай, якая вяла Валхвоў да Хрыстоса.
- Актаграма - гэта і Зорка Іштар (Інаны), Зорка Астарты, Зорка Анахіты (багінь мудрасці, любові і кахання ў філасоўска-містычных традыцыях розных народаў старажытнасці).
- Актаграма - гэта Зорка Лакшмі (ведычнай багіні шчасця і росквіту) і янтра Ашта-Лакшмі («Восьмі Лакшмі») - васьмі аспектаў ці другасных праяваў Лакшмі.
- Актаграма ў латышоў называецца «Аўсекліс» («Auseklis») і азначае «Зорка Світанку» ці «Зорка Венера».
- Актаграма у удмуртаў «Шудо Кізілі» («Шчаслівая Зорка»), а на водскай мове гэта проста «Tähti» ці «зорка».
- У Эстоніі гэты сымбаль называецца «Кахексаканд» (Kaheksakand, літаральна «восем пятак» або «студня») і мае значэнне «Зоркі шчасця», каторая сымбалізавала лад, жыццё, уражайнасць і ахову ад зла. У жыхароў вострава Муху (Эстонія) - гэта выява сымбалізуе Сонца і называецца «Muhumänd».
- Актаграму часта называюць таксама Нарвежскай, Скандынаўскай, Фінскай, Карельскай, Удмуртскай Зоркай. Яна прысутнічае на сцягах і гярбах Карэліі, Удмуртыі, Мардовіі, Чувашыі, Усць-Луга, Ляэне-Харью, этнаса выру, Азербайджана, Туркменістана, Малдовы.
- Спрошчаная актаграма (руб аль-хізб) выкарыстоўваецца як арнамент у шматлікіх мусульманскіх палацах і мячэцях, дзе сымбалізуе лад і парадак.
- Актаграма - гэта яшчэ і мандала (maṇḍala) — сіметрычны медытатыўны малюнак, які сымбалізуе свет і Сусвет. Васьмірычнымі з'яўляюцца не толькі многія тыбецкія і будыйскіх мандалы, але і такія сакральныя малюнкі, як «Зорка Гасула» (у Трансіарданіі), «Охо дэ Дыяс» (Ojo de Dios) або «Вока Бога» у індзейцаў уічолі ў Мексіцы, «El Sol de los Pastos» («Сонца Пастас» ці «Сонца пашаў) у Калумбіі.
- Актаграма - гэта таксама сымбал Ану́ (𒀭) — «Вярхоўнага Бога Неба» ці «Бацькі багоў», які ўзначальваў сонм багоў у шумера-акадскай міфалогіі (яго знак васьмярковая зорачка з 4 гліфаў клінапісу).
- Актаграма - гэта герб Імперыі Му, «Імперыі Сонца» ці «Імперыі Радзімы» (галоўнай калоніяй Му была Уйгурская імперыя, якая дасягнула вяршыняў сваёй цывілізацыі каля 17000 гадоў таму і распаўсюджвалася ад Заходняй Еўропы да Карэі і ад Сібіры да Індыі і Індакітая).
- Метавіта амаль такая ж, як нашая правільная геаметрычная актаграма - на цэрыманіяльным убранні маоры (карэннага народа Новай Зеландыі), які жыве роўна на супрацьлеглай і найбольш аддаленай ад нас кропцы зямнога шара.
- Васьмі-канцовая зорка - гэта яшчэ і «Зорка Алатыр» - старажытны славянскі знак, які сымбалізуе змешчаны пасярод мора-акіяна, на востраве Руяне святы «жывы камень» («усім камяням бацька», пуп Зямлі, які змяшчае сакральныя пісьмёны і надзяляецца гаючымі ўласцівасцямі). На ім расце «Сусветнае Дрэва» альбо «Древа Роду». З яго выходзяць і ў ім сыходзяцца ўсе дарогі. У духоўных вершах апісваецца, як «з-пад бел-алатыр-камня» выцякае цудоўная крыніца, якая дае ўсяму свету «жыўленне і ацаленне». У некаторых крыніцах васьмі-канцовая зорка прыраўніваецца да самаго Ала́тыр-камня.
Сымбалізм фрактальнасці і шматмернасці
«Фрактал» (самападобнасць) нашай зоркі, у якой змяшчаецца бясконцая колькасць меньшых зорак - гэта сымбаль закону пазнання пазачасовай герметычнай мудрасці, які коратка можна перадаць праз наступныя трапныя высказаванні:
- «Як зверху, так і знізу».
- «Што ўнутры - тое і звонку».
- «Свет ёсць люстэрка таго, што ў нас».
- Чалавек (мікракосмас) створаны па вобразу і падабенству Тварца ці Розуму Сусвету (макракосмасу).
- «Часткі ў цэлым, а цэлае з частак».
- «Ўсё ёсць адно, а адно ёсць усё».
- «Адно ў адным, усё ва ўсім».
- «Усё ў адным, адно ва ўсім».
Сымбалізм васьмёркі ці васьмярычнасці
«Васьмёрка» - сымбаль бясконцасці (∞) і руны Dagaz ці трансфармацыі (ᛞ).
- Восем накірункаў прасторы (уперад-назад, управа-улева, уверх-уніз, унутр-вонкі).
- Восем галоўных Святаў нашых продкаў - асаблівых часовых кропак на Коле Году.
- Восем варот Джанна (Рая) у ісламе.
- Восем ветак Аюрведы.
- Васьмерычнасць Багуа (святога васьмікутніка фэншуй).
- Восем трыграм «І цзын», якія складаюць 64 гексаграммы, 64 аспекты Шывы ці элементы рэчаіснасці.
- Восем кампанентаў Пурьяштака - структуры тонкага цела чалавека.
- 88 прызнаных сучасных сузор'яў.
- У Старажытным Егіпце з Агдоадай (ογδοάς - «восьмёрка») звязаныя восем першасных бостваў, якія прадстаўляюць элементы тварэння.
- У даасізме восем азначае паўнату, сукупнасць усіх магчымасцяў у праяўленым выглядзе, сілы фенаменальнага свету, а таксама восем даоскіх святых або несмяротных.
- У будызме - Восем спіц Дхармачакры (Кола Дхармы), Восем шляхетных прынцыпаў, Восем абяцанняў, Восем Бодхісатв, Восем Багінь.
- Восем рун у кожным з трох Этціраў Старэйшага Футарка.
- Ашта-Матрыка альбо Восем Маці ці Восем Боскія Маці - персаналізацыяў энергій Сусвету.
- Ашталакшмі (восем дабратворных вобразаў багіні Лакшмі).
- Васьмірукая Ведычая багіня Дурга, якая змагаецца ўсімі васьмю рукамі са злымі сіламі Сусвету.
- Восем узроўняў «Лілы Джняна-Чаупады» ці «Боскай Гульні Жыцця».
- Восем галоўных чакраў у містычнай ёзе.
- Актаэдр (васьміграннік) і зоркавы актаэдр (Stella Octangula).
Сымбалізм пентаграмы, пяцёркі ці пяцярычнасці
«Пяцірычнасць нясе ў сабе штат глыбокіх сэнсаў. Вось некаторыя з іх:
- Пяць зорак сымбалізуюць пяць жывюлаў (стыхій), энергій, сілаў ці пяць перша-элементаў (зямля, вада, агонь, паветра і эфір).
- Пентаграма - пяці-прамянёвая зорка - ахоўны магічны сымбал у многіх традыцыях.
- Пяць і пяці-прамянёвая зорка - сакральны знак Шывы (у перакладзе са старажытнай дравідыйскай мовы азначае проста назоўнік «Бог»).
- Пяць боскіх дзеянняў (Шывы): тварэнне, падтрыманне, разбурэнне, скрыццё і адкрыццё.
- Пяць «платонавых целаў», кштал каторых ляжыць у будове ўсіх мінерараў.
- Панча-таттва («пяць перша-элементов, стыхій, жывюлаў, істотаў»): акаша (эфір), вайю (паветра), агні (агонь), апас (вада) и прытхві (зямля).
- Панча-прана - Пяць пранаў (прана, апана, самана, удана і в'яна).
- Пяць стыхій У-сін (пяць пачаткаў, пяць элементаў; стыхій; дзеянняў; рухаў; слупкоў; фаз; станаў): вада, дрэва, агонь, зямля і метал.
- Панча кошы (пяць целаў чалавека ці пяць абалонак душы): аннамайя коша (фізічная абалонка), пранамайя коша (пранічная ці энергетычная), манамайя (цела розуму), віджнянамайя (цела мудрасці) коша і анандамайя коша (абалонка благасці і асалоды).
- Пяць слупоў ісламу: Шахада (Пасведчанне, дэкларацыя веры); Намаз (Малітва); Закят (Міластыня); Ураза (Пост), Хадж (Пілігрымка).
- Пяць штодзённых малітваў у мусульман.
- Пяць дарункаў Усявышняга (Пятнічная пропаведзь).
Сымбалізм кветкі
«Міфічная Кветка, лотас ці лілея, як сымбал будовы сусвету, «Містычная Папараць-Кветка» ці васілёк нашых арнаментаў, «Ружа Свету» (Данііла Андрэева), розэнкрэйцарская (Rosenkreuzer) «Ружа на Крыжы» - усё гэта сымбалізм разцвітання душы, як мікра-, так і макра-космасу. Разцвітання і развіццё знутры і вонкі.
Сымбалізм крыжа
Актаграму, бывае, называюць «Пяруноў Крыж», «Крыж Сварога». Нашая васьмі-прамянёвая зорка нагадвае балцкі крыж (Baltic cross) і ісладскія ахоўныя рунічныя знакі «Гальдраставы» (Galdrastafir), напрыклад, Ægishjálmur). А разам з чатырмя малымі зорачкамі па баках нашая актаграма нагадвае дахрысціянскія крыж крыжоў, кельскі і сонечны крыж альбо Сонечнае Кола. І на гэтым Соненечным крыжы (які сымбалізуе святло, цяпло і дабро) ці Солнечным Коле, альбо Коле року існуюць нашыя галоўныя святы (Каляды, Грамніцы ці Стрэчанне, Вялікдзень, Радаўніца, Купалле, Спас, Спажа, Дзяды).
У геральдыцы актаграму завуць «здвоеным крыжом» альбо «раўнаканечным крыжом з двухклінкавым канцамі».
Сымбалізм Светавіта (Świętowita / Zvantevith).
«Светавіт» (лат. Zuantewith, пол. Świętowit - «нясучы ці нараджаючы свет») - вярхоўны бог славянскага пантэона, бог нябеснага святла і яго ўвасаблення Сонца, вядомы з запісаў 1980–ых гадоў на Гродзеншчыне: «Световіт — бог Слонца і самы глаўны».
Святавіт апісваецца як бажаство з чатырма тварамі, якія глядзяць у розныя бакі, што можа сымбалізаваць усёбачанне і ўсёведанне. Гэта сімволіка святла і ладу. Актаграма таксама асацыюецца са святлом і ладам.
Сымбалізм Святла (Сва́йкста / Swaiksta)
«Сва́йкста» (Swaiksta) – слова са старапрускай мовы і азначае «святло». Яно вельмі сугучнае з назвамі прусскага сонечнага баства Свайгсцікс (Swaigstiks / Žvaigždzuks), напісанне якога нечым нагадвае і імя Святавіта (Świętowit / Zvantevith). У любым выпадку прускі корань «swaigst-», азначае «святло» або «ззянне». У мовах, роднасных з гоцкай ёсць таксама падобны міфічны персанаж «Аурвандзіль» (перакладаецца, як «промень святла» ці «светлавы паток»).
Таму сымбалізму знаку LIT✸Akademia вельмі добра адпавядае склад яе школаў і штудыяў!
СКЛАД LIT✸AКАДЭМІІ