Сёння ў свеце назбіралася так шмат нявырашаных праблем, многія з якіх нават паасобку, не кажучы ўжо пра іх сумеснае ўздзеянне, могуць прывесці да разбурэння цывілізацыі і знікнення разумнага жыцця на Зямлі.

Калі ж, вядома, гэтае жыццё, якое так неразумна вядзе да знішчэння Планеты, можна назваць разумным...

На Планеце практычна безперапынна ідуць войны і людзі, як вар'яты забіваюць адзін другога, знішчаюць спадчыну продкаў і прыроднае асяроддзе, пагражаючы Зямлі знішчэннем на ёй усяго жывога ў выніку прымянення ядравай ці яшчэ якой-небудзь д'яблаўскай зброі.

Безперапынна забружваюцца рэкі, паветра, глеба, знішчаюцца лясы і прыродныя ландшафты, а рэсурсы Маці-Зямлі рабуюцца і разбураюцца для вытворчасці ўсё новых і новых безпатрэбстваў.

Па дадзеных Камітэта па навакольным асяроддзі ААН кожны год на нашай планеце знікае каля 25 тысяч відаў жывёлаў і раслінаў - гэта значыць да ста відаў у дзень або прыкладна тры-чатыры віды ў гадзіну!

Згодна з дакладам ААН каля мільёна відаў жывёлаў і раслінаў зараз знаходзіцца на мяжы знікнення. А да 2080 року, згодна з прагнозам WWF (Сусветнага фонду дзікай прыроды), можа знікнуць 50% усіх відаў раслінаў і жывёлаў!

Калі ласка, толькі ўдумайцеся: да ста відаў жывёлаў і раслінаў вымірае ў свеце кожны дзень! Беззваротна...

А кожны з гэтых відаў жывых арганізмаў незаменна выконваў адпаведную непаўторную прыродную функцыю, падтрымліваючы здароўе нашай Планеты і нашае агульнае здароўе.

Адсюль з'яўленне ўсё новых і новых невядомых навуцы хваробаў, што вядзе да катастрафічнай страты фізічнага, псіхічнага, ментальнага і духоўнага здароўя людзей. А гэта ў сваю чаргу зачыняе пагубнае кола самаразбурэння і ўсё яшчэ больш і больш пагаршаецца і пагаршаецца.

• Да з'яўлення гэтых праблем прывяло старое вузкае павярхоўнае зашэранае аднабокае і неэфектыўнае «светаўразуменне» (разуменне рэальнасці), а дакладней не светаНЕразуменне (не разуменне свету) або нават «светаНЕДАразуменне».
• Вырашыць праблемы, якія стаяць перад чалавецтвам, з дапамогай старога «светаразумення», якое і прывяло да гэтых праблемаў, немагчыма. Як казаў Альберт Эйнштэйн: «Створаны сёння намі свет як вынік нашага мыслення, да гэтага часу мае праблемы, якія не могуць быць вырашаны, калі думаць такім жа чынам як пры іх стварэнні».
• Спробы вырашэння праблем, якія стаяць перад намі, з дапамогай старога «светаразумення» прыводзяць толькі да яшчэ большага пагаршэння сітуацыі і роста гэтых праблемаў.
• А старое «светаразуменне» працягвае і далей дэградаваць, дыферэнцыруючыся на вузкія спецыялізацыі, прыводзячы «экспертаў» да ўсё больш і больш шчыліннага і абмежаванага разумення, а дакладней неразумення таго, што адбываецца ў свеце.
• Кожную з праблемаў можна вырашыць толькі калі падняцца на прынцыпова больш высокі ўзровень усведамлення, мыслення, разумення ці светаразумення, чым той на якім мы былі ў момант яе стварэння. Зноў жа ўспамінаючы Альберта Эйнштэйна, нагадаем яго словы: «Немагчыма вырашыць праблему на тым жа ўзроўні, на якім яна ўзнікла. Трэба стаць вышэй за гэтую праблему, падняўшыся на наступны ўзровень».
• Вастрыня сучаснай сітуацыі патрабуе, каб новым светаразуменнем валодалі не толькі лідэры, але і як мага больш прадстаўнікоў нашага грамадства.
• Новае светаразуменне сёння неабходна не толькі на глабальным і нацыянальным узроўнях для пошуку шляхоў выжывання народаў, але нават на асобістым і чыста бытавым узроўнях, для выпрацоўкі стратэгій жыцця асобнага індывіда ва ўмовах татальнай дэзінфармацыі і маніпулявання масавай свядомасцю.
• На пяты нават вельмі інтэлектуальным і творчым людзям наступае штучны інтелект, які ўжо піша не толькі асобныя артыкулы, але і цэлыя кнігі. Таму кожны з нас павінен задумацца, наколькі эфектыўным Светаразуменнем мы валодаем і якая ад нас карысць грамадству і Планеце?
• Каб жыць, быць паспяховымі і здаровымі у сучасным свеце, трэба ўключаць мозг і пачынаць думаць!

Аб усім гэтым яшчэ будзем размаўляць падрабязней у межах распрацоўкі ўкладу нашага новага Светаразумення.

© Андрэй Жалевіч. Светаразуменне. Пазнанне глыбінных сэнсаў, адкрыццё першапрычын і вышэйшых прызначэнняў.

Чытайце таксама пра «Светаразуменне»: